ਚੜ੍ਹਤ ਪੰਜਾਬ ਦੀ

ਲੁਧਿਆਣਾ,(ਰਵੀ ਵਰਮਾ ):ਲੁਧਿਆਣਾ ਦੇ ਇੱਕ ਕਲੋਨਾਈਜ਼ਰ ਪਾਸੋਂ ਠੱਗੀ ਦੇ ਸ਼ਿਕਾਰ ਹੋਏ ਇਕ   ਵਿਅਕਤੀ ਨੂੰ ਪੁਲੀਸ ਇਨਕੁਆਰੀ ਤੋਂ ਇਨਸਾਫ ਮਿਲ ਗਿਆ ਹੈ ।ਜਾਣਕਾਰੀ ਦਿੰਦਿਆਂ ਕੁਲਦੀਪ ਸ਼ਰਮਾ ਨੇ ਦੱਸਿਆ ਲੁਧਿਆਣਾ ਦੇ ਚੰਡੀਗੜ੍ਹ ਰੋਡ ਤੇ ਇਕ ਪ੍ਰਸਿੱਧ   ਕਾਲੋਨਾਈਜ਼ਰ ਵੱਲੋਂ ਇੱਕ ਕਲੋਨੀ ਕੱਟੀ ਗਈ ਸੀ ਜਿਸ ਕਾਲੋਨੀ ਵਿਚ ਕਲੋਨਾਈਜ਼ਰ ਅਤੇ ਉਸ ਦੇ ਹਿੱਸੇਦਾਰਾਂ ਵੱਲੋਂ ਪ੍ਰੌਪਰਟੀ ਦੇ ਨਾਂ ਤੇ  ਉਸ ਨਾਲ ਮੋਟੀ ਠੱਗੀ ਮਾਰੀ ਗਈ ਸੀ ਜਿਸ ਤਹਿਤ 13 ਮਈ 2021 ਨੂੰ ਮੈਂ ਥਾਣਾ ਫੋਕਲ ਪੁਆਇੰਟ ਵਿਖੇ ਕਲੋਨਾਈਜ਼ਰ ਅਤੇ ਉਸ ਦੇ ਹਿੱਸੇਦਾਰਾਂ ਦੇ ਖ਼ਿਲਾਫ਼ ਆਈ ਪੀ ਸੀ ਦੀ ਧਾਰਾ 420 ਦੇ ਤਹਿਤ ਮਾਮਲਾ ਦਰਜ ਕਰਵਾਇਆ ਸੀ ਪਰ ਉਕਤ ਕਲੋਨਾਈਜ਼ਰ ਇਸ ਗੱਲ ਤੋਂ ਮੁੱਕਰ ਰਿਹਾ ਸੀ ਕਿ ਮੈਂ ਇਸ ਵਿਅਕਤੀ ਨੂੰ ਜਾਣਦਾ ਹੀ ਨਹੀਂ ਇਸ ਵਿਅਕਤੀ ਨੇ ਮੇਰੇ ਉੱਪਰ ਝੂਠੀ ਐਫਆਈਆਰ ਦਰਜ ਕਰਵਾਈ ਹੈ ਜਿਸ ਦੀ ਇਨਕੁਆਰੀ ਮੈਂ ਕਮਿਸ਼ਨਰ ਸਾਹਿਬ ਪਾਸ ਲਗਾ ਦਿੱਤੀ ਹੈ ਮੈਨੂੰ ਪੁਲੀਸ ਤੇ ਪੂਰਾ ਭਰੋਸਾ ਹੈ ਪੁਲੀਸ ਦੀ ਜਾਂਚ ਟੀਮ ਹੀ ਹੁਣ ਫ਼ੈਸਲਾ ਕਰੇਗੀ ।

ਕੁਲਦੀਪ ਸ਼ਰਮਾ ਨੇ ਅੱਗੇ ਦੱਸਿਆ ਕਿ ਉਕਤ ਕਲੋਨਾਈਜ਼ਰ ਨੇ ਮਾਮਲਾ ਦਰਜ ਹੋਣ ਤੋਂ ਬਾਅਦ ਕਿਹਾ ਸੀ ਕਿ ਅਗਰ ਕੋਈ ਸਾਬਤ ਕਰ ਦੇਵੇ ਕੇ ਮੈਂ ਕੁਲਦੀਪ ਸ਼ਰਮਾ ਨੂੰ ਜਾਣਦਾ ਹਾਂ ਜਾਂ ਕੁਲਦੀਪ ਸ਼ਰਮਾ ਨਾਲ ਮੇਰਾ ਕੋਈ ਲੈਣ ਦੇਣ ਹੈ ਤੇ ਮੈਂ ਉਸ ਨੂੰ ਉਚਿਤ ਇਨਾਮ ਵੀ ਦੇਵਾਂਗਾ। ਅੱਜ ਕੁਲਦੀਪ ਸ਼ਰਮਾ ਨੇ ਦੱਸਿਆ ਕਿ ਮੈਂ ਪੁਲੀਸ ਇਨਕੁਆਰੀ ਤੋਂ ਬਹੁਤ ਖੁਸ਼ ਹਾਂ ਪੁਲੀਸ ਦੀ ਜਾਂਚ ਟੀਮ ਨੇ ਦੁੱਧ ਦਾ ਦੁੱਧ ਅਤੇ ਪਾਣੀ ਦਾ ਪਾਣੀ ਕਰ ਦਿੱਤਾ ਹੈ ਅਤੇ ਵਿਰੋਧੀ ਧਿਰ ਨੂੰ ਗ਼ਲਤ ਸਾਬਤ ਕਰ ਦਿੱਤਾ ਹੈ।

ਉਨ੍ਹਾਂ ਕਿਹਾ ਕਿ ਮੈਨੂੰ ਕਾਫੀ ਲੰਬੇ ਸਮੇਂ ਤੋਂ ਬਾਅਦ ਪੁਲੀਸ ਦੇ ਇਮਾਨਦਾਰ ਉੱਚ ਅਧਿਕਾਰੀਆਂ ਵੱਲੋਂ ਇਨਕੁਆਰੀ ਕਰਨ ਤੋਂ ਬਾਅਦ ਇਨਸਾਫ ਮਿਲਿਆ ਹੈ। ਕੁਲਦੀਪ ਸ਼ਰਮਾ ਨੇ ਕਿਹਾ ਕਿ ਮੈਂ ਅਜਿਹੇ ਪੁਲੀਸ ਅਫ਼ਸਰਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦਾ ਹਾਂ  ਜਦੋਂ ਇਸ ਸਾਰੇ ਮਾਮਲੇ ਬਾਰੇ ਉਕਤ   ਕਲੋਨਾਈਜ਼ਰ ਨੂੰ ਫੋਨ ਕੀਤਾ ਗਿਆ ਤਾਂ ਉਨ੍ਹਾਂ ਇਸ ਬਾਰੇ ਗੱਲ ਕਰਨ ਤੋਂ ਮਨ੍ਹਾ ਕਰ ਦਿੱਤਾ।