ਨਾ ਲੋਕ ਸਭਾ ਅਤੇ ਨਾ ਹੀ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਚੋਣ ਲਡ਼ਾਂਗਾ : ਫੂਲਕਾ
ਲੁਧਿਆਣਾ 3 ਫਰਵਰੀ ( ਸਤ ਪਾਲ ਸੋਨੀ ) : ਆਮ ਆਦਮੀਂ ਪਾਰਟੀ ਦੀ ਵਿਧਾਇਕੀ ਤੋਂ ਅਸਤੀਫਾ ਦੇ ਚੁੱਕੇ ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਹਰਵਿੰਦਰ ਸਿੰਘ ਫੂਲਕਾ ਨੇ ਅੱਜ ਪਿੰਡ ਗੌਂਸਗਡ਼ ਵਿਖੇ ਭਰਵੇਂ ਇੱਕਠ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਗੁਰੂ ਗਰੰਥ ਸਾਹਿਬ ਦੀ ਹਜੂਰੀ ਵਿੱਚ ਸਾਫ ਸਾਫ ਲਫਜਾਂ ਵਿੱਚ ਆਖ ਦਿੱਤਾ ਕਿ ਉਹ ਕਿਸੇ ਵੀ ਪਾਰਟੀ ਵੱਲੋਂ ਨਾ ਤਾਂ ਆਉਣ ਵਾਲੀ 2019 ਦੀ ਲੋਕ ਸਭਾ ਚੋਣ ਅਤੇ ਨਾ ਹੀ ਜਲਦ ਹੋਣ ਜਾ ਰਹੀ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਚੋਣ ਲਣਨਗੇ। ਉਨਾਂ ਕਿਹਾ ਭਾਜਪਾ ਵੱਲੋਂ ਤਾਂ ਉਹ ਕਦੇ ਵੀ ਚੋਣ ਨਹੀ ਲਡ਼ਨਗੇ। ਪਰ ਇਸਦੇ ਨਾਲ ਹੀ ਉਨਾਂ ਕਿਹਾ ਕਿ ਉਨਾਂ ਸਿਆਸਤ ਤੋਂ ਸੰਨਿਆਸ ਨਹੀ ਲਿਆ ਉਹ ਇਨਾਂ ਦੋਵਾਂ ਚੋਣਾਂ ਤੋਂ ਬਾਅਦ ਭਵਿੱਖ ‘ਚ ਚੋਣਾਂ ਲਡ਼ ਸਕਦੇ ਹਨ। ਫੂਲਕਾ ਏਥੇ ਸੁਖਵਿੰਦਰ ਸਿੰਘ ਗੌਂਸਗਡ਼ ਦੀ ਅਗਵਾਈ ਹੇਠ ਇਲਾਕੇ ਦੇ ਲੋਕਾਂ ਵੱਲੋਂ ਉਨਾਂ ਦੇ ਸਨਮਾਨ ਸਮਾਰੋਹ ਸਮਾਗਮ ‘ਚ ਪਹੁੰਚੇ ਸਨ।
ਫੂਲਕਾ ਨੇ ਕਿਹਾ ਕਿ ਸਿੱਖਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਐਸ ਜੀ ਪੀ ਸੀ ਬਾਦਲ ਪਰਿਵਾਰ ਕੋਲੋਂ ਅਜਾਦ ਕਰਵਾਉਣੀ ਜਰੂਰੀ ਹੈ ਜਿਸਦੇ ਲਈ ਉਨਾਂ ਸਿੱਖ ਸੇਵਕ ਆਰਮੀਂ ਬਣਾ ਕੇ ਕੰਮ ਕਰਨਾ ਸੁਰੂ ਕਰ ਦਿੱਤਾ ਹੈ। ਉਨਾਂ ਲੋਕਾਂ ਨੂੰ ਇਸ ਆਰਮੀਂ ਨਾਲ ਜੁਡ਼ਨ ਦਾ ਖੁੱਲਾ ਸੱਦਾ ਦਿੰਦਿਆਂ ਕਿਹਾ ਕਿ ਜੇਕਰ ਸੰਗਤ ਸਹਿਯੋਗ ਦੇਵੇਗੀ ਤਾਂ ਜਾ ਕਿ ਇਸਦੇ ਪ੍ਰਬੰਧਾਂ ਤੋਂ ਬਾਦਲ ਪਰਿਵਾਰ ਦਾ ਪ੍ਰਭਾਵ ਖਤਮ ਕੀਤਾ ਜਾ ਸਕਦਾ ਹੈ। ਉਨਾਂ ਏਹ ਵੀ ਸਾਫ ਕੀਤਾ ਕਿ ਭਵਿੱਖ ‘ਚ ਆਰਮੀਂ ਦਾ ਕੋਈ ਵੀ ਮੈਂਬਰ ਚੋਣ ਨਹੀ ਲਡ਼ੇਗਾ ਬਲਕਿ ਚੰਗੇ ਕਿਰਦਾਰ ਵਾਲੇ ਲੋਕਾਂ ਨੂੰ ਅੱਗੇ ਲੈ ਕੇ ਆਵੇਗਾ ਅਤੇ ਉਨਾਂ ਦੀ ਮੇਹਨਤ ਲਈ ਕੰਮ ਕਰੇਗਾ। ਉਨਾਂ ਕਿਹਾ ਕਿ ਬਾਦਲ ਪਰਿਵਾਰ ਦਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੋਂ ਪ੍ਰਭਾਵ ਖਤਮ ਕਰਨ ਲਈ ਜਿੰਨੇ ਵੀ ਸਿੱਖ ਸਗੰਠਨ ਜਾਂ ਧਾਰਮਿਕ ਸ਼ਖਸੀਅਤਾਂ ਕੰਮ ਕਰ ਰਹੀਆਂ ਹਨ ਉਨਾਂ ਨਾਲ ਸਾਡੀਆਂ ਮੀਟਿੰਗਾਂ ਹੋ ਚੁੱਕੀਆਂ ਹਨ ਅਤੇ ਅਸੀ ਮਿਲ ਕੇ ਕੰਮ ਕਰਾਂਗੇ ਅਤੇ ਵੋਟਾਂ ਵਿੱਚ ਵੀ ਅਜਿਹੇ ਚੇਹਰੇ ਐਸ ਸੀ ਪੀ ਸੀ ਦੀ ਚੋਣ ਲਡ਼ਨਗੇ। ਉਨਾਂ ਕਿਹਾ ਕਿ ਅਕਾਲੀ ਦਲ ਅਤੇ ਭਾਜਪਾ ਵਿਚਕਾਰ ਜੋ ਤ੍ਰੇਡ਼ਾਂ ਦੀਆਂ ਗੱਲਾਂ ਸਾਹਮਣੇ ਆਈਆਂ ਹਨ ਉਹ ਦੋਵਾਂ ਪਾਰਟੀਆਂ ਦੀ ਡਰਾਮੇਬਾਜੀ ਹੈ। ਉਨਾਂ ਏਹ ਵੀ ਸਾਫ ਕਰ ਦਿੱਤਾ ਕਿ ਭਾਵੇਂ ਉਨਾਂ ਵੱਲੋਂ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਕਿਸੇ ਵੀ ਪ੍ਰਕਾਰ ਨਾਲ ਦਖਲ ਨਹੀ ਦਿੱਤਾ ਜਾਵੇਗਾ ਪਰ ਉਨਾਂ ਸਮੇਤ ਉਨਾਂ ਦੇ ਸਮੱਰਥਕ ਕਾਂਗਰਸ ਅਤੇ ਭਾਜਪਾ ਨੂੰ ਵੋਟ ਨਹੀ ਪਾਉਣਗੇ। ਮੰਚ ਦਾ ਸੰਚਾਲਨ ਕਰ ਰਹੇ ਪ੍ਰਦੀਪ ਸਿੰਘ ਖਾਲਸਾ ਵੱਲੋਂ ਵਿਧਾਨ ਸਭਾ ਦਾਖਾ ਦੀ ਤਰਜ ਤੇ ਹਲਕਾ ਸਾਹਨੇਵਾਲ ਦੇ ਪਿੰਡਾਂ ਦੇ ਸਰਕਾਰੀ ਸਕੂਲਾਂ ਵਿੱਚ ਵੀ ਐਨ ਜੀ ਓ ਦੇ ਸਹਿਯੋਗ ਨਾਲ ਸਮਾਰਟ ਕਲਾਸਾਂ ਸੁਰੂ ਕਰਨ ਦੀ ਕੀਤੀ ਮੰਗ ਨੂੰ ਸਵੀਕਾਰਦਿਆਂ ਫੂਲਕਾ ਨੇ ਸੁਰੂਆਤ ਵਜੋਂ ਪਿੰਡ ਗੌਂਸਗਡ਼ ਦੇ ਸਕੂਲ ‘ਚ ਸਮਾਰਟ ਕਲਾਸਾਂ ਦੇ ਪ੍ਰਬੰਧ ਦਾ ਭਰੋਸਾ ਦਿੱਤਾ। ਪਿੰਡ ਦੀ ਪੰਚਾਇਤ, ਗੁਰਦੁਆਰਾ ਕਮੇਟੀ ਅਤੇ ਇਲਾਕੇ ਦੇ ਲੋਕਾਂ ਵੱਲੋਂ ਫੂਲਕਾ ਨੂੰ ਲੋਈ ਅਤੇ ਸ੍ਰੀ ਸਾਹਿਬ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਗੌਂਸਗਡ਼ ਨੇ ਕਿਹਾ ਕਿ ਫੂਲਕਾ ਨੇ 84 ‘ਚ ਸਿੱਖ ਨਸ਼ਲਕੁਸ਼ੀ ਦੇ ਦੋਸ਼ੀਆਂ ਨੂੰ ਜੇਲਾਂ ਵਿੱਚ ਭੇਜਣ ਲਈ ਜੋ ਸੰਘਰਸ਼ ਕੀਤਾ ਹੈ ਉਸਦੇ ਲਈ ਪੂਰੀ ਸਿੱਖ ਕੌਮ ਰਹਿੰਦੀ ਦੁਨੀਆਂ ਤੱਕ ਇਨਾਂ ਤੇ ਫਖ਼ਰ ਕਰਦੀ ਰਹੇਗੀ। ਏਸੇ ਮਹਾਨ ਕਾਰਜ ਲਈ ਅੱਜ ਇਨਾਂ ਨੂੰ ਸਨਮਾਨਿਤ ਕੀਤਾ ਗਿਆ ਹੈ।ਗੌਂਸਗਡ਼ ਨੇ ਫੂਲਕਾ ਨੂੰ ਭਰੋਸਾ ਦਿੱਤਾ ਕਿ ਸਿੱਖ ਸੇਵਕ ਆਰਮੀਂ ਨੂੰ ਅਸੀ ਹਰ ਪ੍ਰਕਾਰ ਦਾ ਸਹਿਯੋਗ ਦੇਵਾਂਗੇ। ਇਸ ਮੌਕੇ ਰਣਜੀਤ ਸਿੰਘ ਧਮੋਟ, ਸੁਰਿੰਦਰ ਸਿੰਘ ਮੁੱਖ ਗ੍ਰੰਥੀ ਗੁਰਦੁਆਰਾ ਸਾਹਿਬ, ਮਨਜੀਤ ਸਿੰਘ ਪ੍ਰਧਾਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਗੌਂਸਗਡ਼, ਸੂਬੇਦਾਰ ਸੁਰਿੰਦਰ ਸਿੰਘ ਮਾਨ ਖਜਾਨਚੀ, ਅਮਰਜੀਤ ਸਿੰਘ ਗਿੱਲ ਸਰਪੰਚ, ਬਿਕਰਮਜੀਤ ਸਿੰਘ ਗਿੱਲ ਪੰਚ, ਗੁਰਦੀਪ ਸਿੰਘ ਗਿੱਲ ਪੰਚ, ਜਗਜੀਤ ਸਿੰਘ ਅਟਵਾਲ ਪੰਚ, ਗੁਰਪ੍ਰੀਤ ਸਿੰਘ ਚੌਹਾਨ ਪੰਚ, ਗੁਰਪ੍ਰੀਤ ਸਿੰਘ ਪੰਚ, ਜਗਤਾਰ ਸਿੰਘ ਸਾਬਕਾ ਪ੍ਰਧਾਨ, ਅਮਨਦੀਪ ਸਿੰਘ ਗਿੱਲ ਸਾਬਕਾ ਪ੍ਰਧਾਨ, ਸੁਰਿੰਦਰ ਸਿੰਘ ਛੀਨਾ ਗਿੱਲ, ਕੁਲਵੰਤ ਸਿੰਘ ਗਿੱਲ ਸਾਬਕਾ ਸਰਪੰਚ, ਗੁਰਮੀਤ ਸਿੰਘ ਦੀਪਾ ਗਿੱਲ ਦਰਸ਼ਨ ਸਿੰਘ ਗਿੱਲ ਸਾਬਕਾ ਸਰਪੰਚ, ਬਲਵੀਰ ਸਿੰਘ ਢੇਸੀ, ਬਲਵੀਰ ਸਿੰਘ ਗਿੱਲ ਸੈਕਟਰੀ, ਬਲਵਿੰਦਰ ਸਿੰਘ ਗਿੱਲ, ਬਲਵੀਰ ਸਿੰਘ ਭੋਲਾ ਗਿੱਲ, ਦਰਸ਼ਨ ਸਿੰਘ ਛੀਨਾ, ਦਵਿੰਦਰ ਸਿੰਘ ਗਿੱਲ, ਹਰਦਿਆਲ ਸਿੰਘ ਅਟਵਾਲ, ਸੁਖਵਿੰਦਰ ਸਿੰਘ ਮਾਨ, ਭਾਗ ਸਿੰਘ, ਸਤਨਾਮ ਸਿੰਘ, ਸੁਖਦੇਵ ਸਿੰਘ ਕਾਲਾ, ਬਾਈ ਰਾਜ ਸਿੰਘ ਸ਼ਹਿਣਾ, ਗੁਰਚਰਨ ਸਿੰਘ ਹਵਾਸ, ਕਾਮਰੇਡ ਅਮਰ ਨਾਥ ਲੋਕ ਸੰਘਰਸ਼ ਕਮੇਟੀ, ਸੁਖਵਿੰਦਰ ਸਿੰਘ ਸਾਬਕਾ ਸਰਪੰਚ ਰਤਨਗਡ਼, ਜਥੇਦਾਰ ਹਰਨੇਕ ਸਿੰਘ ਢੋਲਣਵਾਲ, ਸਕੰਦਰ ਬਖਤ ਮੰਡ ਚੌਂਤਾ, ਯਾਦਵਿੰਦਰ ਸਿੰਘ ਤਾਜਪੁਰ, ਮੇਹਰਬਾਨ ਖਾਨ, ਬਲਵਿੰਦਰ ਸਿੰਘ ਪ੍ਰਧਾਨ ਸਸਰਾਲੀ, ਮਨਜੀਤ ਸਿੰਘ ਸਸਰਾਲੀ, ਚਰਨਜੀਤ ਸਿੰਘ ਸਰਪੰਚ ਸਸਰਾਲੀ ਕਲੋਨੀ, ਕਪੂਰ ਸਿੰਘ ਸਾਬਕਾ ਸਰਪੰਚ ਸਸਰਾਲੀ ਕਲੋਨੀ, ਜਥੇਦਾਰ ਜਸਵੰਤ ਸਿੰਘ ਮੇਹਰਬਾਨ, ਨਿਸ਼ਾਨ ਸਿੰਘ ਬੂਥਗਡ਼, ਜਸਵੰਤ ਸਿੰਘ ਮੱਤੇਵਾਡ਼ਾ, ਗੁਰਜੰਟ ਸਿੰਘ ਪੰਜੇਟਾ, ਜਗਤਾਰ ਸਿੰਘ ਨੰਬਰਦਾਰ ਧਨਾਨਸੂ, ਹਰਬੰਸ ਸਿੰਘ ਸੈਂਸ, ਬਲਜੀਤ ਸਿੰਘ ਗਰੇਵਾਲ, ਸਿਮਰਪਰੀਤ ਸਿੰਘ ਸੋਨੂੰ, ਕਮਲਦੀਪ ਸਿੰਘ ਜਮਾਲਪੁਰ ਲੇਲੀ, ਸੁਰਜੀਤ ਸਿੰਘ ਖਾਲਸਾ ਮੇਹਰਬਾਨ, ਸਨੀ ਪੰਚ ਮੇਹਰਬਾਨ, ਰਜਿੰਦਰ ਸਿੰਘ ਰਾਜ ਮੇਹਰਬਾਨ ਅਤੇ ਰਮਨਪ੍ਰੀਤ ਸਿੰਘ ਬੋਡ਼ੇ ਹਾਜਰ ਸਨ।