ਲੁਧਿਆਣਾ, 11 ਅਕਤੂਬਰ (ਬਿਊਰੋ ਚਡ਼੍ਹਤ ਪਜਾਬ ਦੀ ): ਅਗਸਤ 2017 ਮਹੀਨੇ ਦੀ ਤਨਖਾਹ ਆਪਣੇ ਤਕਡ਼ੇ ਸੰਘਰਸ਼ਾਂ ਨਾਲ ਲੈਣ ਮਗਰੋਂ ਹੁਣ ਨਗਰਨਿਗਮ ਲੁਧਿਆਣਾ ਦੀ ਮਿਉਂਸਿਪਲ ਕਰਮਚਾਰੀ ਸੰਯੁਕਤ ਕਮੇਟੀ ਨੇ ਸਤੰਬਰ ਮਹੀਨੇ ਦੀ ਤਨਖਾਹ ਦੇਵੀ ਜਿੱਤ ਪ੍ਰਾਪਤ ਕਰ ਲਈ ਹੈ। ਜ਼ਿਰਯੋਗ ਹੈ ਕਿ ਸਤੰਬਰ ਮਹੀਨੇ ਦੀ ਤਨਖਾਹ ਦੇ ਮਾਮਲੇ ਵਿੱਚ ਕੱਲ 9 ਅਕਤੂਬਰ ਨੂੰ ਇੱਕ ਨੋਟਿਸ ਦਿੱਤਾ। ਮਿਤੀ 9 ਅਕਤੂਬਰ 2017 ਤੋਂ ਲੈ ਕੇ 12 ਸਤੰਬਰ 2017 ਤੱਕ ਦੇ ਇਸ ਨੋਟਿਸ ਵਿੱਚ ਕਿਹਾ ਗਿਆ ਸੀ ਕਿ ਦੀਵਾਲੀ ਦੇ ਤਿਓਹਾਰ ਨੂੰ ਮੁੱਖ ਰੱਖਦੇ ਹੋਏ ਮੁਲਾਜ਼ਮਾਂ ਦੀ ਸਮੇਂ ਸਰ ਤਨਖਾਹ ਦਿੱਤੀ ਜਾਵੇ ਅਤੇ ਨਾਲ ਹੀ ਡੀ.ਏ., ਆਈ .ਆਰ, ਪੈਨਸ਼ਨ ਦੀ ਵੀ ਅਦਾਇਗੀ ਕੀਤੀ ਜਾਵੇ। ਜ਼ਿਕਰਯੋਗ ਹੈ ਕਿ ਇਸ ਸਬੰਧੀ ਇੱਕ ਵਿਸ਼ਾਲ ਮੀਟਿੰਗ 6 ਅਕਤੂਬਰ 2017 ਨੂੰ ਹੀ ਕਰ ਲਈ ਗਈ ਸੀ ਅਤੇ ਨਿਗਮ ਅਧਿਕਾਰੀਆਂ ਨੂੰ ਦੱਸ ਦਿੱਤਾ ਗਿਆ ਸੀ ਕਿ ਉਹ 9 ਅਕਤੂਬਰ ਤੱਕ ਤਨਖਾਹ ਦੀ ਉਡੀਕ ਕਰਨਗੇ ਅਤੇ ਜੇ ਇਹ ਨਾ ਮਿਲੀ ਤਾਂ ਇਕ ਵਾਰ ਫੇਰ ਸੰਘਰਸ਼ ਦਾ ਰਸਤਾ ਅਖਤਿਆਰ ਕਰਨਗੇ। ਅਗਸਤ ਮਹੀਨੇ ਦੀ ਤਨਖਾਹ ਵੀ ਇਸੇ ਤਰਾਂ ਸੰਘਰਸ਼ਾਂ ਨਾਲ ਲਈ ਗਈ ਸੀ। ਇਸ ਸਬੰਧੀ ਮੀਡੀਆ ਨੂੰ ਜਾਣਕਾਰੀ ਦੇਂਦਿਆਂ ਕਾਮਰੇਡ ਵਿਜੇ ਕੁਮਾਰ, ਕਾਮਰੇਡ ਗੁਰਜੀਤ ਜਗਪਾਲ, ਘਣਸ਼ਾਮ ਸ਼ਰਮਾ ਅਤੇ ਕਾਮਰੇਡ ਭਾਗੀਰਥ ਪਾਲੀਵਾਲ ਨੇ ਸਪਸ਼ਟ ਕੀਤਾ ਕਿ ਨਗਰਨਿਗਮ ਕਮਿਸ਼ਨਰ ਜਸਕਰਨ ਸਿੰਘ ਨੇ ਸਾਡੀ ਮੰਗ ਮੰਨ ਲਈ ਹੈ। ਅੱਜ ਇੱਕ ਮੁਲਾਕਾਤ ਦੌਰਾਨ ਉਨਾਂ ਮੁਲਾਜ਼ਮ ਆਗੂਆਂ ਨੂੰ ਭਰੋਸਾ ਦਿੱਤਾ ਕਿ ਸੋਮਵਾਰ ਤੱਕ ਹਰ ਹੀਲੇ ਸਤੰਬਰ ਮਹੀਨੇ ਦੀ ਤਨਖਾਹ ਦੇ ਦਿੱਤੀ ਜਾਵੇਗੀ। ਯੂਨੀਅਨ ਨੇ ਮੰਗ ਕੀਤੀ ਕਿ ਕਰਮਚਾਰੀਆਂ ਨੂੰ ਉਹਨਾਂ ਦੇ ਬਣਦੇ ਪੈਸਿਆਂ ਦੀ ਅਦਾਇਗੀ ਤੁਰੰਤ ਕੀਤੀ ਜਾਵੇ। ਸਤੰਬਰ ਮਹੀਨੇ ਦੀ ਤਨਖਾਹ ਤੁਰੰਤ ਦਿੱਤੀ ਜਾਵੇ। ਇਸਦੇ ਨਾਲ ਹੀ ਰਿਟਾਰਡ ਕਰਮਚਾਰੀਆਂ ਨੂੰ ਪੈਨਸ਼ਨ ਵੀ ਦਿੱਤੀ ਜਾਵੇ।
ਯੂਨੀਅਨ ਨੇ ਸੰਘਰਸ਼ਾਂ ਦਾ ਕੇਂਦਰ ਬਿੰਦੂ ਬਣੇ ਏਟਕ ਵਾਲੇ ਦਫਤਰ ਵਿੱਚ ਕੱਲ 9 ਅਕਤੂਬਰ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਜੇ ਸਾਡੀਆਂ ਮੰਗਾਂ ਨਾ ਮੰਨਿਆਂ ਗਈਆਂ ਤਾਂ ਸਾਨੂੰ ਮਜਬੂਰ ਹੋ ਕੇ ਫਿਰ ਤੋਂ ਸੰਘਰਸ਼ ਦਾ ਰਾਹ ਅਖਤਿਆਰ ਕਰਨਾ ਪਵੇਗਾ ਜਿਸਦੀ ਸਾਰੀ ਜ਼ਿੰਮੇਵਾਰੀ ਪੰਜਾਬ ਸਰਕਾਰ ਅਤੇ ਨਗਰਨਿਗਮ ਦੀ ਹੋਵੇਗੀ। ਅੱਜ ਯੂਨੀਅਨ ਦੀ ਸਾਂਝੀ ਸੰਘਰਸ਼ ਕਮੇਟੀ ਨੇ ਦੱਸਿਆ ਕਿ ਨਗਰਨਿਗਮ ਕਮਿਸ਼ਨਰ ਵੱਲੋਂ ਸਾਡੀ ਮੰਗ ਮੰਨ ਲਈ ਗਈ ਹੈ। ਪੂਰੀ ਉਮੀਦ ਹੈ ਕਿ ਤਨਖਾਹ ਸੋਮਵਾਰ ਤੱਕ ਮਿਲ ਜਾਣ ਦਾ ਵਾਅਦਾ ਹਰ ਹੀਲੇ ਪੂਰਾ ਹੋਵੇਗਾ।