ਜਿੱਤ ਦੇ ਨਾਲ ਅੰਹਕਾਰ ਅਤੇ ਹਾਰ ਦੇ ਬਾਅਦ ਨਿਰਾਸ਼ਾ ਖੇਡ ਭਾਵਨਾ ਦੇ ਉਲਟ : ਗੋਸ਼ਾ
ਲੁਧਿਆਣਾ, 10 ਦਸੰਬਰ ( ਸਤ ਪਾਲ ਸੋਨੀ ) : ਰਾਇਜਿੰਗ ਸਟਾਰ ਅਤੇ ਐਸ.ਐਸ ਕਲੱਬ ਦੇ ਵਿੱਚਕਾਰ ਪਿੰਡ ਝਾਂਡੇ ਸਥਿਤ ਆਰਿਉ ਸਿਟੀ ਦੇ ਮੈਦਾਨ ਵਿੱਚ ਹੋਏ ਕ੍ਰਿਕੇਟ ਮੈਚ ਵਿੱਚ ਐਸ. ਐਸ.ਕਲੱਬ ਨੇ ਰਾਇਜਿੰਗ ਸਟਾਰ ਦੀ ਟੀਮ ਨੂੰ ਹਰਾਕੇ ਮੈਚ ਤੇ ਕਬਜਾ ਜਮਾਇਆ । ਇੰਦਰ ਜੌਲੀ ਨੇ ਸ਼ਾਨਦਾਰ ਪਾਰੀ ਖੇਡਦੇ ਹੋਏ 42 ਗੇਂਦਾਂ ਤੇ 65 ਸਕੋਰ ਬਣਾ ਕੇ ਮੈਨ ਆਫ ਦਾ ਮੈਚ ਦਾ ਖਿਤਾਬ ਹਾਸਲ ਕੀਤਾ । ਟਾਸ ਜਿੱਤਣ ਉਪਰੰਤ ਰਾਇਜਿੰਗ ਸਟਾਰ ਟੀਮ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 25 ਓਵਰ ਵਿੱਚ 152 ਸਕੋਰ ਬਣਾਏ । ਨਿਰਧਾਰਤ 152 ਸਕੋਰਾਂ ਦੇ ਲਕਸ਼ ਦਾ ਪਿੱਛਾ ਕਰਦੇ ਹੋਏ ਐਸ. ਐਸ ਕਲੱਬ ਦੀ ਟੀਮ ਨੇ 18.5 ਓਵਰ ਵਿੱਚ 5 ਵਿਕੇਟ ਦੇ ਨੁਕਸਾਨ ਤੇ 154 ਰਣ ਬਣਾਕੇ ਮੈਚ ਨੂੰ ਆਪਣੇ ਪੱਖ ਵਿੱਚ ਕੀਤਾ । ਖਿਡਾਰੀਆਂ ਦਾ ਹੌਸਲਾ ਵਧਾਉਣ ਲਈ ਐਸ.ਐਸ. ਟੀਮ ਦੇ ਨਾਲ ਖੇਡ ਦੇ ਮੈਦਾਨ ਵਿੱਚ ਉਤਰੇ ਯੂਥ ਅਕਾਲੀ ਦਲ ਦੇ ਸਾਬਕਾ ਪ੍ਰਧਾਨ ਗੁਰਦੀਪ ਸਿੰਘ ਗੋਸ਼ਾ ਨੇ ਦੂੱਜੇ ਨੰਬਰ ਤੇ ਆਉਣ ਵਾਲੀ ਟੀਮ ਦੇ ਖਿਡਾਰੀਆਂ ਦੀ ਪਿੱਠ ਤੇ ਥਾਪਡ਼ਾ ਦਿੰਦੇ ਹੋਏ ਕਿਹਾ ਕਿ ਖੇਡ ਦੇ ਮੈਦਾਨ ਵਿੱਚ ਹਾਰ ਅਤੇ ਜਿੱਤ ਇੱਕ ਹੀ ਸਿੱਕੇ ਦੇ ਦੋ ਪਹਿਲੂ ਹਨ । ਇਸ ਲਈ ਜਿੱਤ ਦੇ ਬਾਅਦ ਅੰਹਕਾਰ ਅਤੇ ਹਾਰ ਦੇ ਬਾਅਦ ਮਾਯੂਸ ਹੋਣਾ ਖੇਡ ਦੀ ਭਾਵਨਾ ਦੇ ਉਲਟ ਹੈ ।ਹਾਰ ਦੇ ਬਾਅਦ ਅਗਲੀ ਵਾਰ ਮੈਦਾਨ ਵਿੱਚ ਉਤਰਦੇ ਸਮੇਂ ਪਿੱਛਲੀਆਂ ਗਲਤੀਆਂ ਨੂੰ ਸੁਧਾਰ ਕੇ ਜਿੱਤ ਲਈ ਖੇਡੋ । ਉਥੇ ਹੀ ਜਿੱਤ ਹਾਸਲ ਕਰਣ ਵਾਲੀ ਟੀਮ ਅਗਲੀ ਵਾਰ ਅੰਹਕਾਰ ਦੇ ਨਾਲ ਨਹੀਂ ਸਗੋਂ ਖੇਡ ਵਿੱਚ ਹੋਰ ਸੁਧਾਰ ਕਰਣ ਦੇ ਯਤਨ ਕਰੇ । ਇਸ ਮੌਕੇ ਤੇ ਗਗਨਦੀਪ ਸਿੰਘ , ਇੰਦਰਜੀਤ ਜੌਲੀ , ਸਮਾਟੀ ਜੌਲੀ , ਮਨਿੰਦਰ ਲਾਡੀ , ਅਰਵਿੰਦ , ਗੁਰਕਮਲ , ਸਿਮਰ , ਜੱਸੀ , ਪ੍ਰਵੀਨ , ਅਜੈ , ਰਾਜਨ , ਨੀਰਜ , ਇੰਦਰਪਾਲ , ਸਮੀਰ , ਭਾਵਿਕ ਸਹਿਤ ਹੋਰ ਵੀ ਮੌਜੂਦ ਸਨ