ਰਿਤੇਸ਼ ਰਾਜਾ ਬਣੇ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੈਨਾ ਦੇ ਸੂਬਾ ਚੇਅਰਮੈਨ,ਪਾਰਟੀ ਸੁਪ੍ਰੀਮੋ ਨੇ ਦਿੱਤਾ ਨਿਯੁਕਤੀ ਪੱਤਰ
ਲੁਧਿਆਣਾ, 8 ਸਤੰਬਰ ( ਸਤ ਪਾਲ ਸੋਨੀ ) : ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੇਲ ਦੀ ਅਹਿਮ ਬੈਠਕ ਪੰਜਾਬ ਪ੍ਰਦੇਸ਼ ਪ੍ਰਮੁੱਖ ਚੰਦਰਕਾਂਤ ਚੱਢਾ ਦੀ ਦੇਖ ਰੇਖ ਵਿੱਚ ਮਕਾਮੀ ਲੁਧਿਆਨਾ ਕਲੱਬ ਵਿੱਚ ਆਯੋਜਿਤ ਕੀਤੀ ਗਈ।ਬੈਠਕ ਵਿੱਚ ਸ਼ਿਵਸੈਨਾ ਹਿੰਦੁਸਤਾਨ ਦੇ ਰਾਸ਼ਟਰੀ ਪ੍ਰਮੁੱਖ ਪਵਨ ਗੁਪਤਾ ਮੁੱਖ ਤੌਰ ਤੇ ਪਹੁੰਚੇ ਜਦ ਕਿ ਉਨ੍ਹਾਂ ਦੇ ਨਾਲ ਰਾਸ਼ਟਰੀ ਜਨਰਲ਼ ਸਕੱਤਰ ਅਤੇ ਸੂਬਾ ਪ੍ਰਮੁੱਖ ਕ੍ਰਿਸ਼ਨ ਸ਼ਰਮਾ ਤੇ ਹੋਰ ਸੀਨੀਅਰ ਆਗੂ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ।ਬੈਠਕ ਵਿੱਚ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੈਨਾ ਦਾ ਜ਼ਮੀਨੀ ਪੱਧਰ ਤੇ ਵਿਸਤਾਰ ਕਰਦੇ ਹੋਏ ਪ੍ਰਸਿੱਧ ਵਪਾਰੀ ਰਿਤੇਸ਼ ਰਾਜਾ ਮਨਚੰਦਾ ਨੂੰ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੈਨਾ ਦਾ ਪੰਜਾਬ ਚੇਅਰਮੈਨ ਨਿਯੁਕਤ ਕਰਨ ਦੀ ਘੋਸ਼ਣਾ ਕੀਤੀ ਗਈ।ਸ਼ਿਵਸੈਨਾ ਹਿੰਦੁਸਤਾਨ ਦੇ ਕੌਮੀ ਪ੍ਰਧਾਨ ਪਵਨ ਗੁਪਤਾ ਵਲੋਂ ਰਿਤੇਸ਼ ਰਾਜਾ ਨੂੰ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੈਨਾ ਦੇ ਪੰਜਾਬ ਚੇਅਰਮੈਨ ਦਾ ਨਿਯੁਕਤੀ ਪੱਤਰ ਸੌੰਪੀਆ ਗਿਆ।ਇਸ ਤੋਂ ਬਾਅਦ ਕੌਮੀ ਪ੍ਰਧਾਨ ਪਵਨ ਗੁਪਤਾ,ਕੌਮੀ ਜਨਰਲ ਸਕੱਤਰ ਕ੍ਰਿਸ਼ਨ ਸ਼ਰਮਾ ਤੇ ਵਪਾਰ ਸੈਨਾ ਪੰਜਾਬ ਪ੍ਰਧਾਨ ਚੰਦਰਕਾਂਤ ਚੱਢਾ ਵਲੋਂ ਰਿਤੇਸ਼ ਰਾਜਾ ਮਨਚੰਦਾ ਦਾ ਪਾਰਟੀ ਚਿੰਨ੍ ਭਗਵਾ ਸਿਰੋਪਾ ਭੇਂਟ ਕਰ ਕੇ ਸਵਾਗਤ ਕੀਤਾ ਗਿਆ।ਬੈਠਕ ਦੇ ਦੌਰਾਨ ਸੰਬੋਧਨ ਕਰਦੇ ਹੋਏ ਪਵਨ ਗੁਪਤਾ ਨੇ ਕਿਹਾ ਕਿ ਸ਼ਿਵਸੈਨਾ ਹਿੰਦੁਸਤਾਨ ਦੀ ਜਨਹਿਤ ਨੀਤੀਆਂ ਤੋਂ ਪ੍ਰਭਾਵਿਤ ਹੋ ਕੇ ਦੇਸ਼ ਭਰ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕ ਪਾਰਟੀ ਵਿੱਚ ਸ਼ਾਮਿਲ ਹੋ ਰਹੇ ਹਨ।ਪਵਨ ਗੁਪਤਾ ਨੇ ਦੱਸਿਆ ਕਿ ਸਿਰਫ਼ ਆਮ ਵਰਗ ਹੀ ਨਹੀਂ ਸਗੋਂ ਵੱਡੀ ਗਿਣਤੀ ਵਿੱਚ ਵਪਾਰੀ ਵਰਗ,ਵਿਦਿਆਰਥੀ ਵਰਗ,ਤੀਵੀਂ ਵਰਗ, ਡਾਕਟਰ ਤੇ ਵਕੀਲ ਵਰਗ ਸ਼ਿਵਸੈਨਾ ਹਿੰਦੁਸਤਾਨ ਵਿੱਚ ਸ਼ਾਮਿਲ ਹੋ ਰਿਹਾ ਹੈ।ਪਵਨ ਗੁਪਤਾ ਨੇ ਕਿਹਾ ਕਿ ਜਿਸ ਤਰਾਂ ਲੋਕਾਂ ਦਾ ਵਿਸ਼ਵਾਸ ਸ਼ਿਵਸੈਨਾ ਹਿੰਦੁਸਤਾਨ ਨੂੰ ਮਿਲ ਰਿਹਾ ਹੈ ਉਸ ਤੋਂ ਇਹ ਸਾਫ਼ ਜਾਹਿਰ ਹੋ ਰਿਹਾ ਹੈ ਕਿ ਆਮ ਲੋਕਾਂ ਵਿੱਚ ਸ਼ਿਵਸੈਨਾ ਹਿੰਦੁਸਤਾਨ ਦਾ ਜਨਾਧਾਰ ਕਾਫ਼ੀ ਮਜਬੂਤੀ ਨਾਲ ਵੱਧ ਰਿਹਾ ਹੈ ਜਿਸਦਾ ਪ੍ਰਮਾਣ ਪ੍ਰਸਿੱਧ ਵਪਾਰੀ ਵਰਗ ਦਾ ਸ਼ਿਵਸੈਨਾ ਹਿੰਦੁਸਤਾਨ ਵਿੱਚ ਸ਼ਾਮਿਲ ਹੋਣ ਦੇ ਨਾਲ ਹੋ ਰਿਹਾ ਹੈ।ਪਵਨ ਗੁਪਤਾ ਨੇ ਕਿਹਾ ਕਿ ਕੇਂਦਰ ਸਰਕਾਰ ਵਲੋਂ ਪਿਛਲੇ ਸਮੇਂ ਤੋਂ ਪੈਟ੍ਰੋਲ ਅਤੇ ਡੀਜ਼ਲ ਦੇ ਰੇਟਾਂ ਨੂੰ ਵਧਾ ਕੇ ਉੱਚ ਪੱਧਰ ਤੇ ਲੈ ਜਾਣ ਦਾ ਸ਼ਿਵਸੈਨਾ ਹਿੰਦੁਸਤਾਨ ਲਗਾਤਾਰ ਸਖ਼ਤ ਨੋਟਿਸ ਲੈ ਰਹੀ ਹੈ ਕਿਉਂ ਕਿ ਆਮ ਲੋਕਾਂ ਦੀ ਮਹਿੰਗਾਈ ਦੀ ਮਾਰ ਨਾਲ ਕਮਰ ਟੁੱਟ ਰਹੀ ਹੈ ਜੋ ਕਿਸੇ ਵੀ ਕੀਮਤ ਤੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।ਪਵਨ ਗੁਪਤਾ ਨੇ ਕਿਹਾ ਕਿ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਦੀ ਸਰਕਾਰ ਹਾਉਮੈ ਵਿੱਚ ਆ ਕੇ ਆਮ ਜਨਤਾ ਦੇ ਦੁੱਖ ਨੂੰ ਸੱਮਝ ਨਹੀਂ ਪਾ ਰਹੀ ਜਿਸਦਾ ਸ਼ਿਵਸੈਨਾ ਹਿੰਦੁਸਤਾਨ ਰਾਸ਼ਟਰੀ ਪੱਧਰ ਤੇ ਵਿਰੋਧ ਕਰਦੀ ਹੈ।ਪਵਨ ਗੁਪਤਾ ਨੇ 10 ਸਿਤੰਬਰ ਦੇ ਭਾਰਤ ਬੰਦ ਨੂੰ ਸਮਰਥਨ ਨਹੀਂ ਦੇਣ ਦੀ ਘੋਸ਼ਣਾ ਕਰਦੇ ਹੋਏ ਕਿਹਾ ਕਿ ਪਹਿਲਾਂ ਤੋਂ ਹੀ ਮੰਦੀ ਅਤੇ ਮਹਿੰਗਾਈ ਦੇ ਦੌਰ ਵਿੱਚ ਗੁਜਰ ਰਹੇ ਵਪਾਰਕ ਸੰਸਥਾਨਾਂ ਦਾ ਬੰਦ ਕਰਨਾ ਨਹੀਂ ਸਗੋਂ ਸੜਕਾਂ ਤੇ ਉਤਰ ਕੇ ਸੰਘਰਸ਼ ਕਰਨਾ ਸਹੀਂ ਕਦਮ ਹੋਵੇਗਾ।ਪਵਨ ਗੁਪਤਾ ਨੇ ਦੱਸਿਆ ਕਿ ਕੇਂਦਰ ਸਰਕਾਰ ਵਲੋਂ ਪਟਰੋਲ ਤੇ ਡੀਜ਼ਲ ਦੇ ਰੇਟਾਂ ਵਿੱਚ ਵਾਧਾ ਕਰ ਪੈਟ੍ਰੋਲ ਣ ਦੇ ਰੋਸ਼ ਵਜੋਂ 15 ਸਿਤੰਬਰ ਨੂੰ ਦੇਸ਼ ਭਰ ਵਿੱਚ ਸ਼ਿਵਸੈਨਾ ਹਿੰਦੁਸਤਾਨ ਦੇ ਮੈਂਬਰ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਦੇ ਪੁਤਲੇ ਫੂਕ ਪ੍ਰਦਰਸ਼ਨ ਕਰਨਗੇ।ਇਸ ਮੌਕੇ ਤੇ ਚੰਦਰਕਾਂਤ ਚੱਢਾ ਨੇ ਕਿਹਾ ਕਿ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੈਨਾ ਵਪਾਰੀ ਵਰਗ ਦੇ ਹਿੱਤਾਂ ਲਈ ਛਾਤੀ ਤਾਨ ਕੇ ਖੜੀ ਹੈ।ਚੰਦਰਕਾਂਤ ਚੱਢਾ ਨੇ ਕਿਹਾ ਕਿ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰ ਸੈਨਾ ਦਾ ਇਹ ਮੰਨਣਾ ਹੈ ਕਿ 90 ਫ਼ੀਸਦੀ ਵਪਾਰੀ ਹਿੰਦੂ ਸਮਾਜ ਨਾਲ ਸੰਬੰਧਿਤ ਹੈ ਅਤੇ ਵਪਾਰੀਆਂ ਨੂੰ ਦਬਾਉਣ ਦਾ ਮਤਲਬ ਹਿੰਦੂ ਸਮਾਜ ਨੂੰ ਦਬਾਉਣਾ ਹੋਵੇਗਾ ਜੋ ਕਦੇ ਵੀ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।ਇਸ ਮੌਕੇ ਤੇ ਸ਼ਿਵਸੈਨਾ ਹਿੰਦੁਸਤਾਨ ਵਪਾਰਸੈਨਾ ਦੇ ਨਵਨਿਉਕਤ ਸੂਬਾ ਚੇਅਰਮੈਨ ਰਿਤੇਸ਼ ਰਾਜਾ ਮਨਚੰਦਾ ਨੇ ਪਾਰਟੀ ਸੁਪ੍ਰੀਮੋ ਪਵਨ ਗੁਪਤਾ,ਵਪਾਰ ਸੈਨਾ ਪ੍ਰਮੁੱਖ ਚੰਦਰਕਾਂਤ ਚੱਢਾ ਅਤੇ ਪਾਰਟੀ ਹਾਈਕਮਾਨ ਦਾ ਉਨਾਂ ਤੇ ਜਤਾਏ ਵਿਸ਼ਵਾਸ ਲਈ ਧੰਨਵਾਦ ਪ੍ਰਗਟ ਕਰਦਿਆਂ ਕਿਹਾ ਕਿ ਜੋ ਜ਼ਿੰਮੇਦਾਰੀ ਉਨਾਂ ਨੂੰ ਸੌਂਪੀ ਗਈ ਹੈ ਉਹ ਉਸਨੂੰ ਨਿਸ਼ਠਾਵਾਨ ਹੋ ਕੇ ਤਨਦੇਹੀ ਨਾਲ ਨਿਭਾਉਣਗੇ।ਇਸ ਮੌਕੇ ਤੇ ਸ਼ਿਵਸੈਨਾ ਹਿੰਦੁਸਤਾਨ ਦੇ ਸੂਬਾ ਮੀਤ ਪ੍ਰਧਾਨ ਸੰਜੀਵ ਦੇਮ,ਸੂਬਾ ਜਨਰਲ਼ ਸਕੱਤਰ ਅੰਕਿਤ ਬਤਰਾ, ਟਰਾਂਸਪੋਰਟ ਸੇਲ ਪ੍ਰਮੁੱਖ ਮਨੋਜ ਟਿੰਕੂ,ਮਜਦੂਰ ਸੈਨਾ ਪ੍ਰਮੁੱਖ ਨਰਿੰਦਰ ਭਾਰਦਵਾਜ,ਯੁਵਾ ਵਿੰਗ ਸੂਬਾ ਸਹਿ ਪ੍ਰਭਾਰੀ ਮਣੀ ਸ਼ੇਰਾ,ਜਿਲਾ ਪ੍ਰਧਾਨ ਬੌਬੀ ਮਿੱਤਲ,ਜਿਲਾ ਚੇਅਰਮੈਨ ਚੰਦਰ ਕਾਲੜਾ,ਲੀਗਲ ਸੇਲ ਜਿਲਾ ਪ੍ਰਧਾਨ ਐਡਵੋਕੇਟ ਨਿਤਿਨ ਘੰਡ,ਯੂਥ ਆਗੂ ਜਸਬੀਰ ਸਿੰਘ,ਸਾਰਥਕ ਖੰਨਾ,ਸ਼ਾਣੂ,ਰੋਹਿਤ ਮਲਹੋਤਰਾ, ਕੇਵਲ ਕ੍ਰਿਸ਼ਨ ਗੋਲੂ ਆਦਿ ਮੌਜੂਦ ਸਨ।